Karen Zoid deel 101 liedjies wat nooit oud sal raak nie

Karen Zoid se talent en passie vir musiek het haar een van Suid-Afrika se top musikante gemaak, en haar boonop ook die titel as ‘Koningin van Rock’ besorg.

Om haar gunsteling kunstenaars en musikante, wat ’n invloed op haar het te vier, het Karen haar eie Apple Music-speellys met die titel; 101 Songs That Never Get Old geskep. Dié speellys bevat musiek deur o.a. Pink Floyd, John Lennon, Led Zeppelin, John Mayer, Placebo, Pearl Jam, Queen, Adele, Tina Turner, Joni Mitchell, wat sal sorg vir ’n opwindende luisterervaring.

“My speellys bevat liedjies wat ek óór en óór kan luister. Elkeen van hierdie liedjies is meesterstukke vir my ore,” sê sy.

Zoid se treffer TV-reeks, Repbubliek van Zoid Afrik het oor die laaste vier seisoene ’n in-diepte blik op van ons land se mees bekendste vermaaklikheidsterre en persoonlikhede gebied. Elke episode is afgesluit deur ’n optrede deur Karen en een van haar musikale gaste.

Die liedjies het trefferparades oorheers en vir treffer-albums, wat beskikbaar is vir stroming op Apple Music en vir aankope op iTunes, gesorg. Republiek van Zoid Afrika Vol.5, wat die liedjies uit die jongste seisoen bevat, is nou ook op Apple Music beskikbaar.

Die album spog met ’n dinamiese lys van top Suid-Afrikaanse kunstenaars, wat gesorg het vir onvergeetlike duette met Karen. Die kunstenaars sluit in Jo Black, Ross Learmonth from Prime Circle, Johnny Clegg, Yvonne Chaka Chaka, Judith Sephuma, Valiant Swart en soveel meer. Die 14-snit kompelasie bevat verskeie liedjies wat gereeld op ranglyste gekuier het, en die unike klanke van ’n musiekliefhebbende nasie vier.

Karen voeg by: “Dis was ’n groot eer en voorreg om met hierdie 13 top Suid-Afrikaanse kunstenaars te werk. Die seisoen sluit ikoniese legendes asook nuwelinge soos Jo Black en Franja du Plessis in.”

Met meer as 45-miljoen liedjies bied Apple Music ’n gratis 3-maande proeftydperk sonder verbintenis en is advertensievry. Apple Music is beskikbaar op iPhone en iPad en kan ook afgelaai word vanaf Google Play vir Android-toestelle.

Luister hier onder Karen Zoid se eksklusiewe Apple Music-speellys en loer ook na 2 van haar musiekvideo’s:

Jo Black en Karen Zoid sing ‘Skepe’

Johnny Clegg en Karen Zoid sing ‘Great Heart’

Enjoyed this post? Share it!

 

Leave a comment