Die sanger Jan de Wethet geen bekendstelling nodig nie, hier is ‘n kort Bio van hom

Jan Brand van Rooyen de Wet (Harrismith, 3 Februarie 1950 -) is ‘n Suid-Afrikaanse sanger wat meestal Christelike en geestelike liedere sing. Hy was ook ‘n predikant en onderwyser voordat hy sy sangloopbaan begin het.

De Wet begin sy skoolloopbaan in Willowmore in die Karoo en matrikuleer in 1967 aan die Potchefstroom Gimnasium. In 1968 doen hy sy nasionale diensplig in die SA Vloot, waarna hy werk by die departement van nasionale opvoeding in Pretoria.

Nadat hy twee jaar onderwys gegee het op Otjiwarongo in Suidwes-Afrika/Namibië, studeer hy aan RAU en behaal sy B.A. graad in onderwys in 1971. Hy voltooi ook ‘n aanvullende onderwyskwalifikasie in 1972 aan die Potchefstroomse Universiteit vir Christelike Hoër Onderwys.

Daarna behaal hy die graad B.Th. aan die Universiteit Stellenbosch en eindelik ‘n M.Th in diakoniologie oor die kerkjeug en popmusiek. Hy is getroud met Jeanett Blaauw en het twee kinders, Petrie en Comien. Sy vrou het twee jaar onderwys gegee en toe ‘n mediese ontvangsdame geword.

Loer hier onder na een van sy musiekvideo’s:- Jan de Wet – Hierdie Kind

Enjoyed this post? Share it!

 

Leave a comment